• Butterfly

[Vibes 專欄]健康 — 房中術二三事之OO會腰酸

1/ Sex做愛時點解會腰酸? 腰酸好多原因,包括你本身有嘅慢性腰肌勞損,平日工作坐姿等等,但今次我哋只係focus 講「做愛時腰酸」。

Posture 體位 Sex posture 會影響腰肌受力方向,如果玩一啲高難度動作,又或體位不適合發力/受力,加上本身腰肌訓練不足,就容易做成損傷,甚至乎扭挫傷。建議開始前要確保雙方體位舒適,必要時用枕頭/其他物品/傢俱輔助,減少受傷機會。

Endurance 耐力 即使體位正確,每人嘅肌肉耐受程度各異,一開始時體位尚可保持,肌肉可支撐承受。但隨住時間愈長,肌肉耐力到達臨界點就會開始失去穩定性,難以繼續。此時如果繼續攪落去就有機會傷到腰。切記適可宜止,唔好貪圖一時爽快。

Shenhui 腎虛 好啦,講完全世界都知嘅運動基本元素。當體位正確,墊呀等等乜都做足,自問平日訓練有素耐力足夠,點解同女友攪野時去到最高點爆發,暖流湧出一刻,[突發] 覺得條腰一陣陣酸軟麻脹發下發下,好想用力㩒實條腰,好攰,腳都軟埋,無力,謝咗咁樣?恭喜你,你體驗到何為「腎虛」!

2/ WHAT IS 腎虛(理論上)?會有咩表現(症狀)?

大理論唔多講,如果唔係要用一個章節去解釋中醫五臟六腑精氣神陰陽氣血觀。 我哋直接由「高潮爆發點」一刻講起︰ 「腰為腎之腑」,腎,居住喺我地腰部位置,當「腎虛」發生,腎周圍最先感受到酸軟感,包括腰背、腰骶、更甚整個下腹部、大腿、膝頭都會感受到「虛」象。 當去到最高點,爆發一刻,用慢鏡放大去睇,我哋會見到「腎精」開始積聚谷住,直到爆發前一刻,整個腎都係處於繃緊狀態;爆發後,「腎精」傾瀉而下,一下子流失大量「腎精」「腎氣」(精隨氣泄)個腎處於空虛寂寞酸軟狀態,呢個時候就會表現為腰酸,甚或下半身其他部位酸軟。

短暫腎虛表現就係上述嘅各部位酸軟脹,如果腎虛發展成中長期,更會有膝軟,腳無力,尿滲,夜尿,小便不暢,甚或影響到「腎水不濟心火」而致心煩失眠等情況。

3/ WHY 會腎虛? 唔係男人先會腎虧咩?女人都會? 無錯。上面講嘅「腎精爆發」,唔單止男性嘅精液,女性嘅分泌都係屬於「腎精」嘅一種。不論性別,只要係做左一嘅會「傷腎耗精」嘅行為都會引致「腎虛」。 夜瞓,性愛都係「傷腎耗精」行為。

但係點解有啲人易腎虛,有啲人唔會? 呢個就係取決於你嘅體質,同埋性高潮強度。

Physique 體質

「腎精腎氣」主要以先天品賦(由父母得到),加上後天培養(鍛鍊/飲食/習慣)。 先天部分︰腎強唔強壯係遺傳嘅,有嘅人先天個腎靚,點玩都唔會腎虧,唔恨得咁多。體質強腎氣充足,強壯可以afford耗多幾次先跌到去「腎虧」臨界點。 後天部分︰我哋以清水健為例,要保持到一日N發有質量嘅,就要學清水SAN刻苦鍛鍊、運動、飲食控制,啪雞蛋等等。仲有就係一啲「傷腎耗精」行為就應該避免、或者適可宜止,咁先係對腎氣補養嘅最佳方法。 「為左唔好腎虧就係唔好攪野囉。」No!呢個講法好離地,正確啲理解應該係適可宜止,以健康生活補救,玩到攰就停一停,畀自己同個腎回下氣先再去玩,唔好年輕就玩壞你個腎。

Orgasm 高潮強度 參考返前文解說,我哋可以理解到,「飛得越高,跌得越低」嘅道理。高潮越高,佢一下子爆發流出嘅腎精亦會越多,爆發後傾刻嘅空虛感就會越大,腎唔腎虧取決於高潮強度,潮吹亦然。 至於係DIY,係用手,用玩具,定係有姐妹會同男人做,其實都無分別,用啲咩達至高潮並唔影響個腎虧唔虧,重點只有一個「飛得越高,跌得越低」。(所以如果你話DIY 仲high過同女友,咁DIY 就會係一個比較易傷腎腎虛嘅方法)

4/ 雜談

☝🏼有咩食療食完會濕啲? 其實都係內調為主,唔係食完就濕,係食完肝氣順腎陰足個人無咁乾,有充分條件易濕。 仲有好多其他條件配合,包括壓力、狀態、對手、休息充唔充足等。

🤞🏼女同志會唔會唔夠陽氣,BBL又會唔會太燥? 叫得多、出得多水就會燥,同外型性格打扮角色無關。

🤟🏼慾求不滿,鐵B谷住唔好? 鐵B有自己泄慾方法,又或喺攻既過程自己已經出到火就無問題。禁慾先算係谷住,但一般長期禁慾人士都係修行之人,佢地會有修身修心靜下來去火嘅獨門方法。

🖖🏼女同易有婦科病? 係女人都有機會,機會係平等嘅。

文/ 柴狐醫師 Fb/ 柴狐醫師 Ig/ chaiwuec


37 次查看0 則留言

最新文章

查看全部